TUJOEH BEULEUN

genap tujoh beuleun tanyoe pacaran..
seudeh ngoen seunang dalam bahtera..
jaroe uloen leung keupada Tuhan..
syukur panjatkan nikmat yang kana..

sabe lam rindu uloen rasakan..
keu gata intan yang uloen cinta..
hate lon pilu meurumpok pieh tan..
hanya bayangan lam lupoe senja..

juoh that puteh dilanget awan..
ticem teureubang meusuka ria..
oh ka meucureh dalam hayalan..
dibeudoh angan meubura bura..

yang uloen harap beusabe sajan..
sampoe oh badan pisah ngoen nyawa..
cinta meuleukat han teupisahkan..
gaseh bek leukang sabe lam dada..

leumpah bahgia dalam pelukan..
tentram ngoen aman yang uloen rasa..
tapadu cinta dari saboh jan..
janji dek intan tanyoe beusetia..

doa loen pinta keupada Tuhan..
rusok yang hilang hanyakeuh gata..
meurumoh tangga uloen idamkan..
beusabe sajan geutanyoe dua..