JAK JUM'AT

yang agam agam jak tajak jumat..
bek le peukilat aleu pos jaga..
tajak rhah badan igoe taseukat..
uroe katilat bek gadoh lam tika..

ditungku khatib nyan mit kageumat..
bek tapreh ikamat wahe saudara..
laju u mesjid tanyoe peurapat..
tahadir siat seumayang beuna..

teuma iktikaf laju ta niat..
seumayang sunat bek sagai lupa..
tadoeng dalam saf dua rakaat..
doa tapanjat taharap ridha..

di rukoen khutbah wahe e sahbat..
teuma beugot that dingoe suara..
haba geupeugah gebri amanat..
kepada ummat islam agama..